الشتر الكهربائي ما يشتغل؟ الأسباب وحلولها

1. تأكد من الكهرباء

شوف إذا فيه انقطاع كهرباء في البيت أو القاطع الخاص بالشتر فاصل في الطبلون. بعض البيوت تخلي كل الشترات على قاطع واحد.

2. جرّب المفتاح والريموت

إذا الشتر يشتغل بمفتاح الجدار وما يشتغل بالريموت، فالمشكلة في الريموت: بدّل البطارية أول. وإذا ما نفع، غالباً الريموت فقد البرمجة مع الموتور ويحتاج برمجة من جديد.

3. خلّ الموتور يبرد

موتور الشتر فيه حماية حرارة تفصله بعد ما تفتح وتسكّر كذا مرة ورا بعض. خلّه 20 إلى 30 دقيقة وجرّب مرة ثانية.

4. اسمع الموتور

إذا تسمع طنين والشتر ما يتحرك، ممكن الشتر عالق في المجرى (رمل أو شريحة معوجة) أو الموتور ضعف عن الوزن. لا تكرر التشغيل وقتها عشان ما يحترق الموتور.

5. الشتر يوقف قبل النهاية أو يضغط

هذا غالباً من ضبط النهايات في الموتور. يحتاج فني يضبطها، لأن الضغط المستمر يكسر الشرائح والسدادات.

تحتاج فني؟ شوف صفحة شتر ريموت كهربائي: تصليح وتركيب، أو اتصل على 65695274.